-  Toc toc…

-  Trasiti

-  Ma chi ffà c’è ‘mpusticeddhu ppi mia a Cumuni?

-  Ma c’hata fari zu Paulu  vui u vostru v’hatu fattu, ora tocca a nuiautri

-  Ma allura ci nnà soddi ppi mia?

-  Zu Paulu, cu cecca soddi cecca lignati…

-  Lignati? Viriti ca iu cco vastuni sugnu e mi sacciu addifenniri.

Era questo il rito che si ripeteva quasi giornalmente all’Ufficio Turismo quando veniva a trovarci il poeta dialettale Paolo Di Filippa, “U zzu Paulu” come noi affettuosamente lo chiamavamo.

Arrivava con la sua “lapa” e tanto girava finché non trovava un parcheggio nelle vicinanze, allora scendeva, entrava silenziosamente dalla porta, bussava con il suo ligneo bastone sulla scrivania posta all’ingresso e dava inizio alla solita divertente scenetta.

Aspettavamo sempre con affetto questo simpatico vecchietto che come un nonno buono ci portava un po’ di dolcezza spirituale ma anche materiale. Arrivava infatti con le tasche piene di dolciumi, a volte biscotti di mandorla, a volte i ‘ncanniddhati preparati in casa dalla figlia o, il più delle volte, con caramelle di vari gusti.

Sapeva e ricordava le preferenze di ognuno di noi “u zzu Paulu”: A ttia chiddha ri menta, ppi ttia chiddha ri cafè, tu a voi senza zuccuru picchì se nò rici ca ‘ngrassi e poi nuin pari bona, così passava di scrivania in scrivania depositando quel dolce pensiero.

Si sedeva poi accanto a noi e ci parlava delle poesie che aveva in mente per il successivo Carnevale: A prossima vota ma scuttu che ‘mpiegati cumunali, miatiddhi, assittati o friscu e iu mischinu a morriri ro cauru!

Spesso poi ci portava le bozze delle poesie che scriveva: Liggitivilli, viriti comu vi pari! E noi non sapevamo trattenere un sorriso leggendo quelle righe satiriche, a volte forti, ma sempre con un sottofondo di verità.

Da qualche mese però queste visite si erano interrotte e dalle informazioni che ricevevamo dal genero o dal nipote eravamo venuti a sapere che ormai non si alzava più dal letto, e stamattina la brutta notizia che u zzu Paulu ci aveva lasciati.

Ci aveva lasciati come un altro istrione, Pietro Taricone nel giorno del suo onomastico, come voler formare il binomio “San Petru e Paulu”.

-  Toc toc…

-  Trasiti.

-  Ma cchi ffà c’è ‘mpusticeddhu ppi mia ‘mPararisu?

-  Certu Zu Paulu, accomodativi, ora faciti addivettiri macari a niautri ccà supra.

E ora, per ricordarlo in bellezza ecco una delle composizioni ro Zzu Paulu,

quella con la quale ha vinto l'edizione 2006 del Carnevale Avolese

 

CINQUANT’ANNI RI VITA AVULISA

Nilla vita nun c’è nenti da fari

Se si malu guvirnatu, nun ci mettiri ‘mprisa

Propria pì chistu vi vogghiu cuntari

L’ultimi cinquant’anni ri vita avulisa.

Nilla vita ci voli tanta fortuna

Ma ci voli macari sapirici fari

Tanti parunu sbarcati ri la luna

E nun sanu ri unni hanu a cuminciari.

O si miatiddhu o si mischinazzu

Chista è la verità, nun c’è nenti cchi diri

C’è cu s’alliscia la varba e lu mustazzu

E cu si pò ghiri a nniari a mari.

Quannu nill’anni cinquanta ogni matina

L’upirai si ni ijnu a travagghiari

Cche scecchi ‘mpajati partiinu ppi la marina

Picchì lu pani si iinu a vuscari.

Lu travagghiu era sempri custanti

C’era ppi tutti, picchì la zona ri Sarausa

Era ricca e macari ‘mpurtanti

Attirava upirai furisteri ccu sta scusa.

Erimu miatiddhi, vineunu tanti missinisi,

nuticiani, rusalinari, muricani;

fimmini ca si maritavunu ccu l'aulisi

e tutti unistamenti si vuscavunu lu pani.

Nillu rittufilu ri Santa Teresa

Era nu spittaculu ri travagghiu e ri vita

Cche bicicletti arrivavunu finu a Fanusa

Pareva l’Eden la valli fiorita.

Li pattruni facevunu a gara: viniti ‘nti mia …

...viniti ‘nti mia, vi rugnu cciù ssai vi fazzu riccu

quasi quasi ni siddhiava sta litania

ni riceva: i soddi vi mettu anticipati supra o surcu.

Uscaunu soddi e erinu priati

Li campagnoli s’accattaru li mutura

Itom, Motom, Morini e Ducati

P’alliviari dda vita tantu rura.

Accuminciaru a ccattarisi li sita

Ognunu la propria casa si fabbricava

Era na favula ppi tutti dda vita

Lu cielu ccu li manu si tuccava.

E quannu ppi matrimoniu si mannava

Prifiria lu campagnolo la picciotta e la famigghia

Chistu ci teni la casa cina e si riceva

è na vera travatura ppi me figghia.

cangiaru li cosi macari ‘nte Finucciari

L’operai scugnaru a chiddi ricchi

Cche campagnoli si facevunu l’affari

Cafè, cannola, tirruni e pasti sicchi.

Ma poi vinni ddhu tragicu sessantottu

Occu cosa si sfasciau ‘nta l’ungranaggiu

Pari ca aviinu a pigghiari lu ternu o lottu

Ma ppi ddui famigghi fu sulu nu miraggiu.

Rui opirai ci appizzaru la propria vita

Ppi lottari e migliorarisi l’esistenza

Iautru ca essiri ‘nta valli fiurita

Li propri picciriddhi re patri arristaru senza.

Nill’anni settanta, ottanta e novanta

L’econumia si sposta fra industria e muratura

Cu javi soddi si viri e si vanta

E s’alluntana ri l’agricoltura.

Ma cu fa ancora fasulinu e zucchina

O cu simina patati e miluna

Ancora ci canta lu iaddhu a la matina

Vuscunu ancora occu pugnu ri miliuna.

Mentri custruiscinu palazzi li muratura

Soddi e biddizzi nun ponu stari ammucciati

Li figgi vanu a scola, si fanu dittura

E tanti e tanti a Sincat ‘mpiegati.

Allegghiu allegghiu s’abbannuna la campagna

Ni ci facemu li casi ppi la villeggiatura

Ancora ci sunu li soddi, nuddu si lagna

Pinsamu ppi la cappella ppa sipultura.

Sunu terribili l’anni ro rumila

N’abbuccau a tutti lu carrettu

Divintammu poveri, s’accuzzau la tila

Luvaru la Lira e ficimu lu bottu.

Cangia lu tempu e addivintamu mischini

Li paisi ro rausanu si vanu arricchennu

Sunu guvirnati ri politici boni

Unni addaveru si vanu ‘ntirissannu.

E nui ca erimu la valli fiorita

Divintammu la ciusa abbannunata

La pupulazioni si senti traruta

S’accumincia a emigrari n’autra vota.

E li nostri pulitici can un si votino la miruddha

Perdunu la facci, l’affruntu e la dignità

Ddocu, addubbativi a pani e cipudda

E ppi gghiunta vi facemu perdiri la siccità.

Ceccunu sulu soddi ccu dda facci tosta

ICI, acqua, spazzatura e comu se fussi nenti

Cercunu macari vinticincu euru r’imposta

Ppi nu depuratori ca è inesistenti.

E iu ca sugnu ranni mi vagghiu preuccupannu

E virennu la gioventù can un movi gn’itu

Parru ca ragghiuni e mi vanu ricennu

Stativi mutu ca siti rimbambitu.

Parru ‘nveci picchì ogni cosa la sacciu

Ri cu ha fattu beni e ri cu è piccatu a spisa

Cuntu tutta la verità macari ca fazzu ‘mpacciu

Chisti su l’uttimi cinquant’anni ri vita avulisa.

 

Addio Zzu Paulu, noi non vi dimenticheremo.

Antonella e l'Ufficio Turismo di Avola.

Aggiungi commento